GWEFAU GYMUNEDOL GOGINAN

TEYRNGED I PETER DAVIES Y BARDD O GOGINAN

ER COF AM PETER

Mae gwerin y chwerthiniad, a'i lygaid ar lwgu? Mae sgarlad ei fwg o lais? Mae'i farf gwlad? Mae'r sioe orau? Mae'r siarad? BIe mae'r wg fu'n sugno'r mwgyn - y geg a wagiai bob gwydryn a rhagor? BIe maer hogyn? Mae'r ddysg, mae'r geiriau, mae'r dyn? Stol wag a'r Cwps ar agor - yn ddistaw heb bryddestau rhagor, 'mond swn grwndi miri'r mor a hen wylan, swn elor. Dafydd Pritchard.

BE WYDDOM NI?

Be wyddom ni o dan y ser am be'r wyt ti,n breuddwydio, i fyny ar dy weIy gwyn fel deryn wedi'i daro? Bydd baner ddu dros Gymru i gyd Nes byddi di 'di deffro. Yn joch o wisgi aur heb ddwr, yn Lyndwr dros bob achos, Yn rhuo dy farn, yn hun dy farf, yn tarfu ar y plantos; lle bynnag rwyt ti'n hel dy din, mae'r Mabinogi'n agos. Bydd rhai'n dy watwar yn dy win fel melin glep yn rwdian, ond mi fum i lawer gwaith drwy'r nos yn gwrando swn dy hopran, ac yn hel i siwrwd ser i'm sach, Peter bach Goginan. Twm Morys - 12.3.99 Fe fu Goginan farw'r diwrnod wedyn - 13.3.99